Alle ungane fekk be med seg foreldre, syskjen og besteforeldre. Og jammen var det mange som ville komme! Det var omlag 130 personar samla i gymsalen som var fint pynta med det ungane har laga i adventstida.
Barnehagen opne ballet med Lucia-opptog og song. Deretter måtte vi rope på nissane slik at dei kunne servere oss graut, kaffi, heimebaka julekaker og luccekattar. Til slutt var alle med på den daglege adventstunda før elevane på akulen hadde litt program.

I år får elevane ein adventskalender med tema "Solsystemet". Kvar dag opnar elevane ein pakke som foreldra og lærarane har laga til. I pakken finn dei gjerne ein ting som passar til temaet, pluss faktakort og kanskje ein quiz eller andre oppgåver. Både elevane og vi lærarar er fornøgde med opplegget, og vi trur foreldra kosa seg den kvelden dei var på skulen og laga til adventskalenderen. Det var faktisk ein far som måtte gå heim litt tidlegare, noko han ga uttrykk for at han ikkje hadde lyst til :)